أبيها (وصف الحبيبة)...........................؟

خويت درب عمري ماخذاني دونها النسيان

وانا ياهل الملامه مارغبت العيش وحداني

ابيلي مهره ناسفه صغيره وبنت حصان

ابوها اللي يفك المشكله ويزبن الجاني

واخوها لاتعزوا بأسمهأ فزوا لها العربان

يحق لها الفخر في قوله ال فلان جداني

ابيها في بحر عشرين لازود ولا نقصـان

ابيها اقسه طويله والوصوف اشكال والواني

ابي الجبهه كما الصبح وكما القوس اسود الحجان

وابيها ناعسات ونرجسيه سوود الاعيان

ابي رمش كما ريش يغطي الثلج في الاوجان

وابي جفن يشيل الرمش طربان وأنا قليل أدبلاني

وابي خد مثل ورد في طرف بستان

وابي خشم مثل حد السيف شاماني

ابي البسمه كما البرق وثناياها كما المرجان

شفاها جمرتين وفمها خاااتم سليمـاني

ابي شعر مثل ذيل الفرس لاطبت الميدان

او الشلال لامن بات لليله بين الامتان

ابي جيد سوات بريق فضه لاتقل مليان

وصدر كنه مرايه عليها طلع رماني

ابي ظهر كما الجدول وقدن مثل غصن البان

وخصر مثل مجدول العنان وجسم رويان

وابيها لابيترف وبطن ظامر جوعان

ابيها مدمجه ساق وقدمها لسان ثعباني

ابيها بنت عز من رغدها ينعم البستان

ابي الرقه وابي الدقه لها بطرافها شاني

ابي المشيه كما اللي طالع من المعركه أنا قليل أدببان

وابيها ترش في خطواتها مسك وريحاني

ابي صوت الى مني سمعته كنه فيه الحان

يدغدغ مسمعي ويثير كل السحر في اشجاني

ابيها حب واخلاص وهواجيس وفرح واحزان

ابيها مثل مادكتورها للعشق وصاني

ابيها لوحه ماصورتها ريشه الفنان

ابيها جوهره ماجابها قاصي ولا داني

ابيها تنتصر لي من زمان حطني نيشان

وتبشر بالغلا اللي مالفابه واحد ثاني

مهرها قلب وشعر يهز القلب والوجدان

والبسها القصيد وتصبح اوزاني وقيفاني

ابي اللـي فات واللـي فات صعب ومن لقى العنوان

يرد العلم ولا افضل ابقى اعيش وحدانــي