مذكرات راعى غنم الجزء الثاني

[center][center]
[size=18]بسم الله الرحمن الرحيم
(الجزء الثاني )من مذكرات مرت راعي الغنم
طبعااا منقوووول

والله ان الرجل من كثر تغيبه عن البيت شكيت وصرت ارسل عيالي معه واليوم اللي يعيي لياخذهم فيه اقول: وش عنده؟؟!! اكيد انه معرس
وتبدا الكوابيس والحلوم وافتح المفكره على ارقام الشيوخ اللي يفسرون الاحلام واقعد لي مده على هالحال الين>> قال: لي واحدن من المشايخ( ترى ان كلمتي مرتن ثانيه والله لاصك بالجوال الجدار)
>> والله العظيم اني ماكذب عليكم اني قعدت فتره اول ما طاح ابونا بالغنم مثل المهبوله
... الين تعوذت من ابليس ودعيت ربي والحمد لله ارتحت

وكلما قال ابليس ابوكم وينه خذت الجوال واتصلت والله اني اتعذر باي شي علشان اسمع الديك والا عنز
> المهم اعرف انه هناك واتاكد .

>المهم مع الوقت تاكد لي ان الرجال مسيكين يحب غنيماته وبلشن بهن وكان اذا خلص من شغله عند غنمه راح يتعلل عند اخوياه الي بالغنم وما فاتني اني اتاكد اكلم واسمع الصجه واللجه...

>>>> المهم في يوم من الايام كان عنده حراج للغنم يعني( سوق يجلبون فيه حقين الغنم غنمهم ويبيعون ويشترون) وكان ابونا هو وربعه لمنهم خلصوا يروحون للمكان اللي يجتمعون فيه ويتعشون ويكملون السهره.
وكان يوم مدارس وكنت قاعدتن لحالي عيالي ناموا وانا قفلت البيبان وصكيت الباب حق قسم النوم بس ما قفلته وكان عليه المفتاح ذيك الليله يابنات ماجاني نوم وزهقانه قلت خليني اكلم احد اسولف شوي واوسع صدري لين يجيني النوم والله واكلم اخيتي وافضفض لها مكنونات صدري..
>>>>>>> وفجاة وانا اكلم شفت سلك التلفون( يتحرك) قلت: اخيتي ترا فيه احد برا فيه حرامي!!
وعلشان تفهمون الوضع ترا السلك جاي من الصاله الخارجيه الى الداخليه وبينهم باب وانا اشوف السلك يتحرك من تحت الباب قلت ترا هذا بيقطع السلك ولا امداني اخلص كلمتي الاوالسلك( مقــــــــــــــــــــــطوع)

والله يا بنات اني قعدت( اررررررجف) وربي الهمني ورحت اركض وقفلت الباب الداخلي

> واصير ادور مثل المهبوله وش اسوي اروح للجوال اكلم ابونا البيت مافيه ارسال فيه عازل.

ياربي اطلع راسي مع الدريشه واصيح للجيران والله واطلع راسي ويدي مع الدريشه واتصل على ابونا واقول:احمد طب علينا حرامي الحقنا بسرعه!!!

قال: هــــــــــــــــه وش تقولين؟؟ قلت :الحقنا الحقنا .
قال: ما اسمع! كلمي من تلفون البيت.
>> طبعا الكلام مقطع ويسكر الخط ياربي بالموت قدر يشبك التلفون واجلس اصيح

وادور واحط اذني على الباب واتسمع واسمع قرقشه واروح لبنتي الكبيره>>>>>>> قلت: يابنيتي قومي انا زهقانه!! (( وما قلت لها حرامي علشان بنيتي ما تنهبل)) قالت: يمه بكره مدرسه ابي اشبع نوم!!
قلت: معليش يابنيتي غيبي بكره.
>> فتحت عين وحده وقالت: قدها؟؟
قلت: وقدودها!!
قامت على حيلها وقالت: وشفيس يمه؟؟ ما جاء ابوي؟؟
قلت: لا قالت وشفيس يمه؟
قلت: وش فيني؟؟! قالت: وراس تحقرصين قلت: فيه حرامي برا!!
قالت: وشو؟؟؟؟؟؟ وانا احط يدي على خشتها

واجرها لغرفتي قلت: وش السوات؟؟ قالت يمه ارسلي رساله !! قلت : ونعم ببنيتي واقوم وارسل(((((( يوجد حرامي بالبيت الحقنا )))

ولا امداني واسمع الباب الخارجي> ينفتح< ولاه ابونا يقول: يافلانه فلانه؟!؟!

>> واقوم اركض وافتح الباب واقول: احمد احمد(( مثل الافلام))

قال: وش السالفه؟
قلت: السالفه السلك مقطوع ماتشوف!!
قال: ايه والله قلت هذا حرامي يبي يعزلنا عن العالم ويقوم بشغله !!
مااقعد في هالبيت يالله يابنت قومي اخوانس نبي نروح لامي...
قال: الخبيث الخبيث.
قلت: منهو؟؟ منهو؟؟
قال : الفار!!!!

>>>> يتبع ان شاء الله............. >> انتظروني <<
في الجزء الثالث او الحلقه الثالثه
منقوووووووووول لعيونكـــــــــم

الله الله بالردود السنعه
علشان انزلكم الجزء الثالث بسررررعه
[/center][/size][/center]